Temperaturat ‘historike’ tashmë të Greqisë, vend i cili është përfshirë në valën e nxehtë afrikane, ka shënuar viktimat e radhës që pas vdekjes së gazetarit britanik Michael Mosley në ishullin Symi.
Ditën e shtunë u gjet një turist holandez i shtrirë përmbys në një luginë, përmes një dron të shërbimit zjarrfikës në ishullin lindor të Samos.
Ai ishte 74 vjeç e ishte parë për herë të fundit teksa po “luftonte” duke ecur mes vapës përvëluese, raporton media Mail.
Ndërkohë ditën e diele, është gjetur një 55 vjeçar, turist amerikan në ishullin Mathraki, pranë një plazhi shkëmvbor.
Media BBC e ka identifikuar viktimën, Albert Calibet, i cili është shpallur në kërkim që ditën e enjte.
Gjithashtu autoritetet greke janë në kërkim të dy turisteve franceze, 73 dhe 64 vjeç, raporton BBC bazuar në të dhënat e agjencisë franceze të lajmeve AFP.
Kujtojmë se në fillim të këtij muaj u shpall në kërkim gazetari i mirënjohur britanik Dr. Michael Mosley, i cili u gjet në ishullin Symi të Kretës.
Ai u gjet në një zonë shkëmbore dhe sipas analizave ai ndërroi jetë për shkaqe natyrore ditën të cilën ai u shpall në kërkim.
Gazetari britanik Michael Mosley
